麻辣風雲 (已改名) 查看

天气开始热啦，想食一啲辣野出返身汗，系旺角揾黎揾去，都唔知食乜好。行到去琼华中心，见到有间餐厅叫麻辣风云，啱晒心水，只脚即刻走左去搭䢂啦。上到去发现装修古色古香几有味道咁，环境舒服既因为坐既位置好阔落。一黎就比隔离枱既一盘盆栽吸引住，原来𠮶棵系荔枝，呀~唔系，系荔枝形状嘅虾球，底盘仲系咁喷烟，超型呀。今次叫左荔枝虾球，酸菜鱼，红糖糍粑仲有炸馒头。荔枝虾球摆盘好靓，而且食落好弹牙点下个酱汁甜甜酸酸，一流。讲到摆盘靓，仲有炸馒头，个只小船又系可以打下卡。最好味既系酸菜鱼，酸同辣度可以根据自己喜好选择。我哋拣咗中麻中酸少辣个味道劲啱我心水，份量再多都食得晒，鱼肉又滑又嫩又无骨。我哋仲叫左一杯果茶同洛神花茶，我一大杯果茶够晒两三个人饮，而且果味好香甜，而洛神花茶生津解渴，用个酒埕黎上枱好有感觉呀。最后食埋红糖糍粑，香甜软糯结束完美的一餐。