麻浦元祖 (已結業)

放左工去左尖沙咀揾食，行行下就走左入黎呢条食街，好多餐厅，多不胜数！最后就想食下韩烤，就走左入黎呢间韩烤店！😋装修设计都贴近韩风味道，店员安排左我地坐卡位！我地就点左个烤肉拼盘及纯豆腐海鲜锅，店员知我地都肚饿架啦，就比左几碟前菜比我地品尝，有泡菜，渔仔，薯仔等等，个纯豆腐海鲜汤充满了豆腐香口既味道，不过系辣左少少！店员好窝心咁倒左2杯冻水比我地，仲帮我地开左个炉预热一下，炉边仲有芝士粟米同泡菜蛋。拼盘登场啦，我地首先煎左鸡肉，肉质鲜嫩，烧5分钟左右就食得啦！到烧个顶级雪花❄️牛肉，每边烧一烧5-6成熟就得，牛既味道都比较浓郁，都有种入口即溶既感觉！另外五花肉脂肪比例较多，出得太多油了！好抢火！而大虾烧完好似跳完舞咁，姿态优美，味道鲜甜。最后就烧特上王牛排骨肉，好似成块红地毯舖系炉面上咁😅😅，我地烧到咁上下就剪开细细旧咁烧会较易熟！再夹埋生菜，泡菜蛋同芝士一齐食会冇咁济！不过食完都有股烧烤味道，幸好外套同手袋可以放系椅内，没有吸了太大的BBQ既味道！😌+++++++++++++++如果大家喜欢💕我写既食评，麻烦比个❤️鼓励一下我，我会写更多更好既食评比大家！😊