壹級日本料理 (已結業)

呢间壹级日本料理已经开了一年多，得知星期六、日夜晚好爆场，所以都系闲日下昼一点半点后去食(因为一点半前好多学生)，又坐得舒服啲，点了最贵嘅壹级丼饭($88跟味噌汤)。壹级丼饭，见到有三文鱼、海胆、三文鱼籽、蟹籽同蟹膏，配上青瓜丝、酸姜，当然有日本芥辣响碗内，先将芥辣放上豉油碟，加入豉油后捞匀后再倒入丼饭中，三文鱼够肥美；海胆质感细腻，味香甘甜，入口即溶；三文鱼籽爆脆又够咸香；蟹籽不过不失；蟹膏咸香嫩滑；寿司饭微暖，不错。再点了一客火炙极上三文鱼腩寿司($38，要加一)，见到寿司吧师傅磨咗啲相信系海盐嘅物体响件寿司上面，上枱时见卖相已不错，师傅话豉油都唔驶点，将寿司放入口，极上三文鱼腩入口即溶，油脂布满口腔，反而酸酸的寿司饭是用来中和返肥美的三文鱼腩，师傅，麻烦再来一客！