影片
更多
2023-10-13
207 浏览
认真讲，呢餐糖水真心食到我火滚，呢啲咁嘅服务态度嘅员工，真系仲可以留喺度做？麻烦朗豪坊满记经理可以正视！事情系，我地一行6人叫左四碗白色嘅糖水，两碗有雪糕嘅糖水。两碗热嘅杏汁，一碗冻嘅杏汁一碗冻嘅椰汁。两碗热嘅上左之后，有位马尾(相对)后生嘅女侍应上左碗冻嘅白色糖水，由于杏汁同椰汁睇落去都系一样。我就问佢：唔好意思，我想问下呢一碗系咩嚟架？马尾女侍应佢指住张单：下？有写架㖞(啲态度串到)之后答：椰汁啰接住就有位(应该)熟手女侍应上左另一碗睇落一模一样嘅白色糖水。我又问：唔好意思，我想问下呢一碗系咩嚟架？熟手女侍应：椰汁我话：咦，又椰汁？应该系一碗椰汁一碗杏汁熟手女侍应：咁呀？你等等，我问下厨房先 （拎走佢上嘅果一碗)后来，熟手女侍应拎返同一碗返来：呢一碗系椰汁，咁之前果碗应该系杏汁我：好呀，唔该你。你头先个同事态度劲差㖞，自己上紧咩俾个客都唔知，仲串个客张单有写。我都知有写，但你上紧咩，你自己答唔到，仲要后尾知道系乱讲。熟手女侍应：佢系新黎架我：咁新黎无人教要点对客？熟手女侍应：佢黎咗3日咋我：咁3日都应该要教呀嘛，佢咁对啲客熟手女侍应：慢慢教，慢慢教之后熟手女侍应就走咗。然后上左两碗
事情系，我地一行6人叫左四碗白色嘅糖水，两碗有雪糕嘅糖水。两碗热嘅杏汁，一碗冻嘅杏汁一碗冻嘅椰汁。
两碗热嘅上左之后，有位马尾(相对)后生嘅女侍应上左碗冻嘅白色糖水，由于杏汁同椰汁睇落去都系一样。
我就问佢：唔好意思，我想问下呢一碗系咩嚟架？
马尾女侍应佢指住张单：下？有写架㖞(啲态度串到)
之后答：椰汁啰
接住就有位(应该)熟手女侍应上左另一碗睇落一模一样嘅白色糖水。
我又问：唔好意思，我想问下呢一碗系咩嚟架？
熟手女侍应：椰汁
我话：咦，又椰汁？应该系一碗椰汁一碗杏汁
熟手女侍应：咁呀？你等等，我问下厨房先 （拎走佢上嘅果一碗)
后来，熟手女侍应拎返同一碗返来：呢一碗系椰汁，咁之前果碗应该系杏汁
我：好呀，唔该你。你头先个同事态度劲差㖞，自己上紧咩俾个客都唔知，仲串个客张单有写。我都知有写，但你上紧咩，你自己答唔到，仲要后尾知道系乱讲。
熟手女侍应：佢系新黎架
我：咁新黎无人教要点对客？
熟手女侍应：佢黎咗3日咋
我：咁3日都应该要教呀嘛，佢咁对啲客
熟手女侍应：慢慢教，慢慢教
之后熟手女侍应就走咗。
然后上左两碗有雪糕嘅糖水，两碗都应该系芒果雪糕，但上左一碗系抹茶一碗系芒果。
错order唔紧要。但服务态度好重要。我唔理你之前发生咩事，你出得楼面serve 客就唔应该将你不快嘅态度拎嚟对客！你入厨房入后栏发完脾气先好再出黎！
唔知系咪F&B特别难请人嘅关系，个熟手侍应好似好惊话佢咁？新人系要教的！你唔教，佢就keep 住用呢啲态度，虽然你系打工，公司亦好多分店，但你咁样唔系留个人做野，系倒自己公司米！
张贴