陵發潮州白粥 (已結業)

女人爱cafe, 我哋麻甩佬就爱大排档. 不过而家cafe总有一间喺左近, 大排档就夸几区先揾到档仲要未必掂. 要就脚方便又有风味, 我就推介太子既陵发, 主食打冷, 环境嘈杂, 个个队住啤酒un un脚粗豪地大讲大笑, 系一个室内大排档, 其实现场都不乏有女性, 无他既, 全因食物有水准.  虽有3间铺位, 但晚晚都旺场, 早去都要等一等先有位座得好亲密好热闹主要食打冷佐酒食物, 喺度食嘢真系唔好问价钱, 总之埋单伙计话几钱就几钱, 餐牌上除啤酒有价钱外, 其他系得个𩠌名.煎蚝饼, 炸得卜卜脆又大件, 蚝仔够大粒干净.南乳猪手, 够稔够骨胶软, 南乳味香, 连花生都入晒味韭菜猪红, 猪红大件夹起无散开, 一定要配潮州辣椒油, 个汁仲可捞潮州粥食鹅片, 厚切卤水汁入晒味, 唔沾白醋都够味