影片
更多
2023-08-26
1756 浏览
麻甩佬食嘢最钟意嘅一喺茶记，一喺就大排档，贪啲小炒够镬气，又平靓正，当然依家仲有少少冬菇亭形式嘅大排档，但真真正正嘅大排档真喺卖少见少。今晚同老死出嚟尖沙咀搞个小饭局聚旧，专登拣咗走大排档路线嘅「港久新街」（取其谐音：港九新界），当然，呢度环境就舒服啲，叹住冷气食小炒。餐厅位置好方便，一出地铁行几步就到。里面嘅装修好有型，尤其天花啲彩色版最抢眼，仲有天花嘅斜板模仿大排档嘅元素。除咗靠窗一排大卡位之外，里面仲有好多张细圆台，啱晒三五知己嚟食饭、吹水。 晌依家揾钱嘅年代，啲餐厅为提高翻枱量，都会设有时限，我就最钟意呢度栋个牌话俾你听，唔限时，仲要无开瓶费，无切饼费，唔会同你计到尽，净系呢样服务一环我都一定加佢分啦！ 上文都讲过，店家定位喺大排档路线，所以，当然有好多传统嘅大排档怀旧小菜、10大招牌菜，此外，仲有啲冷盘小食、潮州卤水、川辣菜式、串烧、炒粉面饭……等等，非常多元化。 怀旧玉泉 $12过到嚟大排档饮饮食食，点可以唔叫支汽水，难得呢度有啲怀旧嘅樽装汽水，真喺估唔到呢支玉泉𠮶樽真喺怀旧到小弟都未见过，净喺呢点未食呢餐已经充满情怀！烤生蚝 $10 / 只讲开抵，相信无乜边枱唔点呢个，原
餐厅位置好方便，一出地铁行几步就到。里面嘅装修好有型，尤其天花啲彩色版最抢眼，仲有天花嘅斜板模仿大排档嘅元素。除咗靠窗一排大卡位之外，里面仲有好多张细圆台，啱晒三五知己嚟食饭、吹水。
晌依家揾钱嘅年代，啲餐厅为提高翻枱量，都会设有时限，我就最钟意呢度栋个牌话俾你听，唔限时，仲要无开瓶费，无切饼费，唔会同你计到尽，净系呢样服务一环我都一定加佢分啦！
上文都讲过，店家定位喺大排档路线，所以，当然有好多传统嘅大排档怀旧小菜、10大招牌菜，此外，仲有啲冷盘小食、潮州卤水、川辣菜式、串烧、炒粉面饭……等等，非常多元化。
怀旧玉泉 $12过到嚟大排档饮饮食食，点可以唔叫支汽水，难得呢度有啲怀旧嘅樽装汽水，真喺估唔到呢支玉泉𠮶樽真喺怀旧到小弟都未见过，净喺呢点未食呢餐已经充满情怀！
烤生蚝 $10 / 只讲开抵，相信无乜边枱唔点呢个，原价$28，依家只喺十蚊只，见唔少客用尽个优惠成盘烤蚝咁上。好老实真喺抵到无朋友，大只饱满，铺满大量香蒜、葱粒，入口蚝肉嫩滑鲜甜，蒜香满溢。
羊肉串 $28、猪大肠 $28、牛脷芯 $38再落嚟试下佢哋嘅串烧，最抵死喺每一串都插咗支旗仔，表明佢嘅「身份」，好搞嘢。羊肉切得比较细粒，但烧得保持嫩滑，入口软腍，有阵阵羊膻香；我呢班老死真喺胆固醇敢死队，所以，点都话要试一试猪大肠，烧得甘香充满油脂，唔健康还唔健康，但真喺好食；牛脷食过唔少次，但牛脷芯就比较少，先喺一种爽弹感，再咬落去就有种烟韧咁，加上独特嘅牛脷香味，呢个真喺无拣错。
怀旧鸡蛋焗鱼肠 $98呢道菜真喺好耐无见过，功夫多好多都有做，老死同我异口同声都话一定要叫。一大砵净喺卖相都已经好吸引啦，一面烘得金黄，入口表面喺脆脆哋嘅焗蛋皮，里面喺好嫩滑嘅蛋浆同鱼肠，鱼肠食落无咩腥味，反而有啲甘腴嘅香味。
怀旧鸡蛋焗鱼肠
$98
25 浏览
0 赞好
0 留言
秘制菠萝黑醋骨 $108经典嘅小炒「生炒骨」相信大家都食唔少，呢个有啲相类似嘅黑醋骨，亦喺好想试试佢。比起生炒骨，黑醋骨同样酸酸甜甜，但就多咗一份醋嘅醇厚感，更大减油腻度，加埋啲新鲜菠萝，睇都知唔喺罐头货，食落令人好开胃。个人觉得送饭一流！
秘制菠萝黑醋骨
$108
23 浏览
0 赞好
0 留言
潮式蚝仔饼 $98今日真喺麻甩佬作反嘅日子，再嚟一道好食但唔健康嘅煎蚝饼，蚝饼新鲜煎起，自然份外甘脆，唔使多讲一眼就知脆到咔咔声，食落亦唔算油腻，里面混和唔少蚝仔肉，饱满肥美，沾上少少鱼露更具风味。
今餐饭老友大赞好食又抵食，的确价钱唔算好贵，但份量好十足，有相你睇，比起去茶记食小炒还要大碟，加上招呼唔错，地方够大，凉住冷气够晒爽。
张贴
