海潮食堂

营业中

休息中

今日约紧朋友去APM睇戏，有D时间当然要揾好野食。朋友话附近有一间人气食堂，虽然门面并不起眼，但里头嘅食物配撘新颖，一试难忘咁话。讲到咁，好难唔试架㖞，即刻跟朋友入去试试佢。一入到去，比金毛老板吓一吓，不过佢笑容满面，细心有礼嘅招呼，立即比佢溶化左。我同朋友分别点左两个招牌菜，牛腩虾条煎米粉同葱花蛋治烘底。首先牛腩虾条煎米粉，个蛋煎米粉卖相几特别，有D似两面黄，十分香脆。牛腩萝卜用一个不锈钢碟另上，炆得好稔好入味，加上蒜泥辣椒粒，非常惹味。虽然煎米粉无乜味，加上牛腩辣汁一齐食，就配合得天衣无缝。不过份量有D大，细食嘅未必食得晒。至于葱花蛋治，一件蛋治入面有两层，一层系夹牛油，另一层系夹葱花蛋，牛油味唔会污染葱花香，咁嘅做法好考功夫，亦显得出老板嘅细心。由食物睇得出，老板好用心经营呢间小店，同顾客打成一片，经过嘅朋友不仿一试。