101手工小火鍋 (已結業)

呢间101手工小火㶽主打类似吉野家一人边炉嘅自私㶽。选择就当然比吉野家嘅多，有成11个款可以拣。今次就叫左麻辣三杯鸡小火㶽，辣度㨂左正常。另外除左追加左1份肥牛，都叫左个小菜 卤水猪大肠。预设配料就明显比吉野家多好多。呢间大部份嘅配料预先已经落左落个锅度，而个锅比吉野家果度大得多，渌肥牛渌面就变得方便好多。而打边炉最紧要系咩，就系个炉呀嘛。呢间就好好有电池炉，火力比吉野家果个火水炉大多好多，都免却好多等嘅时间。汤底黎讲都算系几浓味，辣方面真系正常最后唔会辣到好辛苦，麻方面就唔算好出唔系食到成口麻哂咁。除左麻同辣之外，仲咸左少少，但系成个汤底都几够味。渌面食啲面都入哂味。鸡脾肉：唔鞋，啖啖肉台湾手工拉面：唔错，佢都几吸到汤汁。而且渌耐左口感都唔会好烂。本人都几推介。肥牛片：因为系预先店员已经落左落去，所以好难控制佢个生熟度。我个人就钟意生少少。厚度方面唔算适中，对得住呢个价。台湾肠：几好味，呢个配搭几新鲜。而个卤水猪大肠，卤得几入味，猪大肠质地唔会靭，系香料味少左啲啲。