影片
更多
2023-07-16
8 浏览
呢间餐厅系日式居酒屋嘅装修，贴满晒充满日本元素嘅贴纸，座位阔落，坐得都几舒服！嘢食就主打鸡煲同埋川式串烧，仲有一啲小炒可以叫，有种日川fusion嘅感觉😂！佢呢度嘅串烧用热石板上，上枱仲可以听到滋滋声，keep住食物嘅温度，又做到啲焦脆嘅口感！🌟而家佢哋搞紧活动，每日都会有唔同嘅优惠，我星期六去，额外送多咗一客鳕鱼干俾我哋～如果星期日去仲有全单七折，超抵食！------------------------------🐓◖喜聚麻辣滋补鲜乌鸡（半只）◗ $198平时麻辣鸡煲食得多，乌鸡真系第一次试！佢嘅麻辣麻而不辣，🌶️◖麻辣四姊妹◗ $88用咗莲藕、竹笋、淮山、莴笋同云耳毛埋佢嘅麻辣酱炒出嚟，麻香十足，成碟又脆又鲜甜，几惹味！🍢串烧类除咗佢嘅鸡煲，另一主打就系串烧，除咗自家首创嘅特色串烧，仲有好多其他款式，仲可以自己拣口味，下面有啲价钱可以参考返🙈～💕/烧珍宝大扇贝（蒜蓉） $78扇贝肉好大好厚，蒜蓉味好香，食埋啲粉丝一流，一啖过超满足～💕/烧贵妃蚌（蒜蓉） $68好少见有烧嘅贵妃蚌，一见到有即刻试吓，贵妃蚌口感好弹牙有咬口，值得一试！💕/烧新鲜脆皮白鳝 $68白鳝系餐厅招牌之一，外
🌟而家佢哋搞紧活动，每日都会有唔同嘅优惠，我星期六去，额外送多咗一客鳕鱼干俾我哋～如果星期日去仲有全单七折，超抵食！
------------------------------
🐓◖喜聚麻辣滋补鲜乌鸡（半只）◗ $198
平时麻辣鸡煲食得多，乌鸡真系第一次试！佢嘅麻辣麻而不辣，
🌶️◖麻辣四姊妹◗ $88
用咗莲藕、竹笋、淮山、莴笋同云耳毛埋佢嘅麻辣酱炒出嚟，麻香十足，成碟又脆又鲜甜，几惹味！
🍢串烧类
除咗佢嘅鸡煲，另一主打就系串烧，除咗自家首创嘅特色串烧，仲有好多其他款式，仲可以自己拣口味，下面有啲价钱可以参考返🙈～
💕/烧珍宝大扇贝（蒜蓉） $78
扇贝肉好大好厚，蒜蓉味好香，食埋啲粉丝一流，一啖过超满足～
💕/烧贵妃蚌（蒜蓉） $68
好少见有烧嘅贵妃蚌，一见到有即刻试吓，贵妃蚌口感好弹牙有咬口，值得一试！
💕/烧新鲜脆皮白鳝 $68
白鳝系餐厅招牌之一，外面搽咗一层酱料，烧完之后有少少焦糖嘅感觉，鱼皮烧得好香脆，皮下有少少脂肪鱼油好香，肉质好弹牙，必叫！
💕/日式烧鸡肝 $32
有五大粒鸡肝，几粉几绵，食落去啖啖肉！
💕/海盐烧皇牌牛舌 $49
牛舌亦系餐厅招牌之一，牛舌好大块好厚，用咗牛舌芯嘅部位，油脂略嫌唔太够，肉感比较重～
💕/烧黑啤牛仔骨（特厚） $69
有两大件，好少食到咁厚嘅牛仔骨，唔需要太多调味，净系用盐可以带到牛肉本身嘅味道，食埋啲筋膜，口感好丰富～
💕/烧原条牛肋条（沙嗲） $39
牛肋条一串咁上，搽上沙嗲汁甜甜地，都几大串，有啲筋膜嘅位置，颇有咬口，个人几钟意！
💕/烧茄子（蒜蓉） $29
茄子唔系原条，份量会相对少啲～佢切好一嚿嚿，上面嘅蒜蓉铺得好满，好香蒜蓉味，食落去有啲甜味，但相对上会少咗啲烧烤嘅香味呢！
💕/烧鸡脾菇（孜然） $19
鸡髀菇烧到啱啱好，保持到里面嘅汁水，唔会干身，加啲孜然同辣椒粉，都唔错～
💕/照烧汁烧京葱 $18
京葱烧得都几香，加埋照烧汁，令京葱本身嘅甜味更加丰富，表面啲照烧汁会稍微有小小过咗火～
💕/烧烧卖（沙嗲） $19
烧烧卖真系好正，烧卖烟烟韧韧，配上沙嗲汁烧，外皮笑得好烟韧，够晒惹味，钟意烧卖嘅朋友唔好错过！
💕/烧玉桂焦糖金菠萝 $38
菠萝切得好有心机，卖相好吸引，烧完面层有一层焦糖脆皮，配埋肉桂嘅香气更出色！
🥤◖Zero◗ $18
🌟 Encore指数：8.4/10
张贴
