無辣不歡 (已結業)

嚟到葵广，都冇乜特别嘅要食边间，都系见到咩就食咩。本身我好钟意食辣，咁啱行过见到无辣不欢， 仲要系＄20就有得食手撕鸡荞麦面，梗系要试试佢。我好怕要排队，一要排就唔想买， 一开始我前面剩系得一个人等紧落单，咁我就喺后面等， 你间店人手应该好唔够，我等左三个字以上先开始有得落单，佢得一个人收银，入面厨房就大约两三个人做，唯一好就系即叫即整，但我买一个扫街嘅嘢食都等左我大半个钟，真系好耐。。。。不过算啦，佢真系好抵食，好好味，会想系咁食，食落手撕鸡够辣，够麻，好似仲有得拣大中小辣，我冇拣到佢应该俾咗小辣，食到后面真系觉得辣，个后劲十足，不过最好下次唔洗等咁耐啦。