砂煲兄弟 (東港城) (已結業)

尝辣嘅我常常喺餐厅见到有麻辣或者水煮嘅𩠌菜都一定会叫嚟食，感受一下辣到上心口嘅感觉，刺激一番。今次喺砂煲兄弟餐厅见到有水煮鱼，欢喜若狂。地狱水煮鱼挑战无极限，呢种辣度却实令舌头有种麻痺感，却又食得痛快，其实单单见到呢个水煮鱼 已经流晒口水，配料方面有芽菜豆卜，吸收晒麻辣嘅精华，攞嚟送饭一流。慢煮火焰牛仔柳餐牌话系限量供应，所以一见到就即刻落order， 服务员递上已见到个煲熊熊火焰，还飘来阵阵𩠌菜嘅香气，开头以为 燃烧只系一瞬间，却又出奇地 燃烧了一阵子，牛柳片放在面上，当火焰熄灭后，牛柳片大概六成熟左右，肉嫩有啃劲，而底部就放了洋葱青椒等配料，够惹味啱晒我，不错。手拍青瓜青瓜够爽口，食落去索索声， 青瓜腌的几好味。整杯咸柠七好爽。餐厅食物卖相吸引，尤其水煮鱼辣到上心口啱晒我，一放揾朋友一齐挑战下。