麻辣妹 (已結業)

麻辣野真系会食唔停口，呢度本来位于葵广既四川麻辣食店，而家开左o系旺角，今日经过女人街，见到有人派传单，就同朋友去试下！呢条街的野食不嬲以平价见称，缺点就系比较难揾，要捐窿捐罅先揾到好野食。下午茶时间去到唔算多人，老板店员都好好人，不断介绍野食比我地。我们其实得2个人，但好想试多d小食，见价钱唔太贵，最后真系叫左好多哈哈。双拼木耳青瓜木耳爽口，青瓜都好新鲜，辣汁唔算好辣，呢个前菜冻冰冰，好开胃，唔太大碟，岩岩好够2个食。口水鸡性价比高，整得好精致，鸡肉好嫩口新鲜，见到佢既辣汁好足麻辣料，够辣之余又有麻味，两者平衡。卤水大拼盘呢个就价钱稍贵，不过每一样卤味都有d，有猪大肠猪耳猪肚鸡脚鸡翼，炆得唔会好腍，好有咬口，几好！凉拌凉面呢个系我私心推介之选，配料自己选择，份量十足，面质唔会好腍，冻食得黎又好辣，好过瘾！麻辣烫朋友唔太食得辣，而老板又大推呢个麻辣烫，一开始以为个汤底会系深红色的o个种辣，但原来用猪骨汤底加麻辣汁，清得黎又有少少辣，适合所有人食，加上呢度好特别的薯仔粉，一黎到仲以为黎错乌冬，因为实在太似。薯仔粉比乌冬更粗，食落口冇乌冬咁弹牙，好有赵头，好特别！