麻辣娘子 (形薈) (已結業)

对我而言，筲箕湾一直喺东区嘅美食天堂，近排筲箕湾开左新商场－形荟，入面有多间特色餐厅，包括四川菜、意大利菜、烧肉都店等等。美食天堂呢个地位可谓更加稳固。今日同女友就试左四川菜嘅麻辣娘子。餐厅面积非常大，灯光非常明亮，仲有灯笼作装饰。麻辣娘子食物款式超乎想像地多，麻辣香锅、酸菜鱼、酸辣粉、小龙虾应有尽有，甚至仲有手摇饮品😱- 古法红烧肉红烧肉属于半肥瘦，肥而不腻，同时瘦肉部份唔会柴，酱汁令烧肉入口微甜醇香，送饭认真一流。- 麻婆豆腐又系另一道超级下饭既一道菜😍，豆腐质感绵密，而且唔易散开，另外仲加左菜脯同肉碎，口感更丰富。颜色够晒红当当。不过可能落得唔够花椒油，所以无咁香麻。- 酸辣炒土豆丝土豆丝酸辣可口，而且炒得非常爽脆。每一条土豆丝嘅长度大小非常接近，证明师傅既好刀功。- 炼乳馒头馒头炸到金黄色，入面松软但唔太粉，沾上炼乳令馒头味道提升一个层次，而且可以一口食晒，非常满足。以上四道菜都唔贵，每款平均$60至$70，两个字抵食！