傷心酸辣粉 (天瑞路) (已結業)

第一次喺街度食麻辣小龙虾，平时都系买一包包系屋企食。估唔到同屋企人落楼下食饭都食到。麻辣小龙虾🦞 $138估唔到一份有咁多只，仲要依家平咗真系抵食。嚟到除咗比小龙虾之外佢仲会俾埋手套方便你食。佢应该系即叫即整热，拎上手嘅时候热辣辣，我食呢啲有壳嘅嘢食得特别慢，而系底层𠮶啲最后食都仲热辣辣。足足有28只，虾头仲要有好多膏。个底仲有啲芫荽同青瓜。凉拌茄子🍆 $25开头惊佢有少少辣，点知原来佢唔辣嘅，而且唔会好油，几好食。辣子粟米🌽 $28好耐冇食粟米想食粟米，佢好香嘅依然粉味，仲要有啲辣粉，半甜半辣嘅感觉几好味，但愈食愈辣🤣伤心酸辣粉+拍青瓜 $38下午茶先有呢个价，呢个价钱来讲真系唔贵。连妈咪都话佢嘅酸辣粉好食过平时食𠮶间，又足料咁话。不知不过真系好耐冇喺楼下食过呢间，其实佢选择真系好多，而且仲要唔贵，绝对系平民食物。