影片
更多
2023-01-17
79 浏览
近年钟意咗食辣🌶，所以对川菜感兴趣。我同朋友想食「麻辣风云」好耐，但两个人晚市嚟食的话，就好难嗌嘢食。不过好彩佢周末都有提供午市套餐，我哋可以衬放假嚟帮衬。旺角分店位于琼华中心，店舖面积极大，即使系午市时段，入座率都好高，绝对称得上系人气店👏。呢度环境干净企理，而且餐枱宽敞，坐得舒服。同时，店员好忙碌，但仍能保持礼貌，抵赞。睇呢张相就应该会明白点解我咁想嚟食晏，因为一人量嘅午餐，份量系少啲，但价钱平啲之余，仲可以留肚试多几味😃。招牌酸菜鱼($88/午餐)，🐟酸菜鱼好大碗，对于想浅尝嘅我哋已经好足够，连皮无骨鱼片肉质嫩滑鲜甜，应该有成十几片。酸菜汤呈金黄色，辣度同酸度均可调节，我哋要咗最温和嘅少酸少辣🌶。汤底唔错，微微酸好开胃，易入口；但由于油份高，就唔建议成碗饮晒。除咗鱼，其他食材仲包括酸菜、莴笋、豆卜同金菇等，最重要嘅系原来垫底有宽薯粉(唔使额外加钱)，索尽汤头精华。题外话，午餐小菜奉送白饭一碗🍚。砂锅螺蛳粉($48)，餐厅有提供近嚟大热嘅螺蛳粉，老实讲我从未食过，亦系抱住打大佬嘅心态试吓🙈。螺蛳粉嘅特色在于汤底有浸独特嘅气味，既酸辣，且带点唔腥嘅海鲜贝壳味，但又唔系虾香𠮶种，可能因
旺角分店位于琼华中心，店舖面积极大，即使系午市时段，入座率都好高，绝对称得上系人气店👏。呢度环境干净企理，而且餐枱宽敞，坐得舒服。同时，店员好忙碌，但仍能保持礼貌，抵赞。
睇呢张相就应该会明白点解我咁想嚟食晏，因为一人量嘅午餐，份量系少啲，但价钱平啲之余，仲可以留肚试多几味😃。
招牌酸菜鱼
$88
24 浏览
0 赞好
0 留言
招牌酸菜鱼($88/午餐)，🐟酸菜鱼好大碗，对于想浅尝嘅我哋已经好足够，连皮无骨鱼片肉质嫩滑鲜甜，应该有成十几片。酸菜汤呈金黄色，辣度同酸度均可调节，我哋要咗最温和嘅少酸少辣🌶。汤底唔错，微微酸好开胃，易入口；但由于油份高，就唔建议成碗饮晒。除咗鱼，其他食材仲包括酸菜、莴笋、豆卜同金菇等，最重要嘅系原来垫底有宽薯粉(唔使额外加钱)，索尽汤头精华。题外话，午餐小菜奉送白饭一碗🍚。
砂锅螺蛳粉
$48
24 浏览
0 赞好
0 留言
砂锅螺蛳粉($48)，餐厅有提供近嚟大热嘅螺蛳粉，老实讲我从未食过，亦系抱住打大佬嘅心态试吓🙈。螺蛳粉嘅特色在于汤底有浸独特嘅气味，既酸辣，且带点唔腥嘅海鲜贝壳味，但又唔系虾香𠮶种，可能因为个汤真系用「螺」煮嘅关系🐚，我认为唔算臭嘅。砂锅装住汤面，保温效果一流。我要咗米线底，估唔到一直热住，面质都无变淋，仲几弹牙。
炸蛋
$12
22 浏览
0 赞好
0 留言
炸馒头
$36
12 浏览
0 赞好
0 留言
惹味鸡软骨
$38
17 浏览
0 赞好
0 留言
饮品方面🥤，我哋嗌咗特饮(+$18)，左右分别系冰爽龙眼冰同鲜柠檬梳打。龙眼冰甜蜜滋润，啱晒解辣；而梳打柠味十足，用料唔孤寒🍋。
总括嚟讲，麻辣风云嘅食物好有水准☁️❤️🔥，佢为大家带嚟各式各款美味嘅川菜，就算唔食得辣都不妨嚟试吓，相信会令你爱上。如果两个人到访的话，我建议午市嚟帮衬，性价比高，份量亦更适合👍。
张贴
