十二味 (裕民坊YM²)

营业中

休息中

近来口淡淡 想揾啲重口味 刺激既嘢食下。观塘行行下街，谂起呢度有个新商场，YM2。等我入去睇下呢度会唔会有我想要既嘢先! 虽然系新商场，估唔到都几多嘢食，系天台既花园度，我闻到一股好浓烈既香气！我就知道我揾到啦！ 呢间店叫做 十二味，系好多地方都有，估唔到系观塘都系开一间。我同朋友今晚就叫左酸菜鱼同毛血旺。第一次试，试左小辣先，废事辣得制食唔到。菜式上一台既时侯，哇！咁大碟既，一碟酸菜鱼就成张台咁大，搞到黎毛血旺果阵，又要霸多张台，好彩今日早啲黎食咋，如果唔系一张二人台根本放唔哂。酸菜鱼，汤酸鱼嫩，不自觉地食下食下就食哂。毛血旺好多人都未必知道咩黎，其实系重庆江湖菜的鼻祖之一，起源于重庆磁器口的著名川菜小吃，主要系食又辣又麻既猪红，毛肚。