臻味冰室豬扒酸辣米線

营业中

休息中

明明唔食得辣，但系又钟意食酸辣粉麻痺口腔嘅感觉，于是去左臻味叫咗碗红薯粉食吓，顺便感受吓同桌以前牛头角返工个阵附近餐厅嘅味道。睇睇餐牌，选择多而且价格亲民，完全明白点解同事们晏昼成日食呢间。炸鱼肉云吞 配蕃茄酱 份量多到好似山咁高，热辣辣脆卜卜，系鱼肉比想像中少咗啲。面到咗之后浸吓汤再食，好似打边炉食响铃咁，一样好好食。因为选择困难，叫咗个咩都有啲嘅杂锦小窝配红薯粉，红薯粉烟烟韧韧，叫咗多花生更香口。特别钟意猪排同韮菜饺，好夹汤底。只系今日个小小辣变咗做小辣咁，弱者如我已经食到泪流满面。忍唔住试埋蚝仔牛脷上海面。蚝仔新鲜，牛脷有咬口。上海面因为冇红薯粉咁滑潺潺，特别挂汤。埋单百五蚊左右，非常满足。不过原来呢度收得几早，夜收工想食真系要预吓时间。