影片
更多
2020-04-28
2375 浏览
呢日跟同事去顺丰寄嘢，顺便喺附近揾嘢食，同样系深水埗，但近嘉顿𠮶边少人劲多，我自己都比较钟意喺依头觅食。之前已经有留意过呢间「北料南面」，但一直无想去食嘅冲动，直至最近爱上咗试辣🙈。餐厅比想像中大，而且环境都算几光猛，干净企理。食物选择几多，如果唔食得辣，其实都可以拣猪骨汤。不过一场嚟到，同事都被我感染咗，一齐食辣，无事嘅，最多一齐喊嘅啫🤣。只要嗌正餐(饭面)或者大份小食，就可以用优惠价加配饮品，都几抵。由于只系加几蚊，眼见大部份客人都有课金😉。我想食辣，但又唔系好食得，于是写咗微微微辣😅，而店员呀姐系有睬我㗎，我𠮶个系「微微辣」；同事维持系「微辣」，哈哈。不过一上菜，我哋都有啲心寒，因为两样睇落都好辣咁🌶🌶🌶。主角出场喇，麻辣手撕鸡捞面(细)($34)，微微辣走葱。本身我误会咗系凉面，原来系热嘅拌面，又系另一种风味。未食之前，知系热面后，即刻惊会再辣啲，而且见到每条面条都上哂色😰，啲辣捞得好均匀咁。另外，即使呢份捞面系细份，份量已经好够我食，啱啱好。不过一食我就发现只辣仲系可接受范围，虽然我都曾经一度咽喉过🥵。呢只麻辣味好好食啊😋，够麻够咸，几特别，暂时未喺其他餐厅食过。但食到尾段我
呢日跟同事去顺丰寄嘢，顺便喺附近揾嘢食，同样系深水埗，但近嘉顿𠮶边少人劲多，我自己都比较钟意喺依头觅食。之前已经有留意过呢间「北料南面」，但一直无想去食嘅冲动，直至最近爱上咗试辣🙈。
餐厅比想像中大，而且环境都算几光猛，干净企理。食物选择几多，如果唔食得辣，其实都可以拣猪骨汤。不过一场嚟到，同事都被我感染咗，一齐食辣，无事嘅，最多一齐喊嘅啫🤣。
只要嗌正餐(饭面)或者大份小食，就可以用优惠价加配饮品，都几抵。由于只系加几蚊，眼见大部份客人都有课金😉。
我想食辣，但又唔系好食得，于是写咗微微微辣😅，而店员呀姐系有睬我㗎，我𠮶个系「微微辣」；同事维持系「微辣」，哈哈。不过一上菜，我哋都有啲心寒，因为两样睇落都好辣咁🌶🌶🌶。
麻辣手撕鸡捞面
$34
54 浏览
0 赞好
0 留言
主角出场喇，麻辣手撕鸡捞面(细)($34)，微微辣走葱。本身我误会咗系凉面，原来系热嘅拌面，又系另一种风味。未食之前，知系热面后，即刻惊会再辣啲，而且见到每条面条都上哂色😰，啲辣捞得好均匀咁。另外，即使呢份捞面系细份，份量已经好够我食，啱啱好。
麻辣手撕鸡捞面
$34
34 浏览
0 赞好
0 留言
不过一食我就发现只辣仲系可接受范围，虽然我都曾经一度咽喉过🥵。呢只麻辣味好好食啊😋，够麻够咸，几特别，暂时未喺其他餐厅食过。但食到尾段我就觉得重口味咗少少，而且比较多花椒定胡椒屑黏住。至于鸡丝🐔，撕得好幼细，同面条好夹；面条口感亦都唔错，唔会太淋或太硬。
同事要咗麻辣狂牛面($59)，呢个面比起其他贵，皆因好足料，全部都系牛🐮，包括秘制牛腩、秘制牛展、肥牛片、牛柏叶同时菜。同事要咗微辣走麻走葱，转米线(佢惊薯粉太索汤会GG😆)，但汤底个样又系非常惊吓，劲深色。不过食落个辣味比起我个捞面更弱，捞面好食啲；但啲牛牛几好食，特别系牛柏叶🤤。
四川冰粉
$15
38 浏览
0 赞好
0 留言
跟餐我无要饮品，反而配咗四川冰粉(+$8)(原价$15)，可以解辣嘛！但佢呢餐未称得上大派用场，我未需要用到佢救命🆘，哈哈。依个冰粉味道就麻麻地，因为只黑糖味怪怪的，唔知点解偏酸，好似落咗醋咁。我喺其他地方食过嘅好味好多。同事就加$6要咗豆浆，大大杯，抵！
总括嚟讲，呢餐对于我来说系有惊喜，我唔系惊难食，而系惊唔啱食。点知个麻辣捞面好正，好惹味，我好喜欢😍；虽然食完都几大浸味，但值得。餐厅食物味道好、份量多、价钱合理，整体性价比高！我下次嚟会试下其他面同小食😊。题外话，店员得一个阿姐做楼面，好忙，但佢都几好礼貌👍。
张贴
