友利冰室 x 勿當奴 (D2 Place TWO) (已結業)

友利冰室 x 勿当奴听左好耐，今日终于有机会一试啦，见佢新出火锅套餐，有菜有肉有甜品，仲有饮品任饮，就决定试下。🍲火锅套餐🍲$268拣左酸菜鱼做主食，配有一杂锦火锅配料。酸菜鱼锅入面有豆卜、薯粉、鲷鱼同金菇，份量好多，系食极都仲有，食极都食唔完咁。鲷鱼切得好够薄，食落啖啖肉，冇骨，汤底就偏向辣，酸味唔算好出。杂锦火锅配料有午餐肉、金菇、娃娃菜、萝卜、粟米，翠玉瓜、豆腐、丸子等等，多到讲唔哂，粟米好甜，萝卜冇渣，豆腐好滑身，午餐肉够哂厚身，菜类就好新鲜。🐷新手肉食套餐🐷300克 加$30由于唔食牛，店员同意俾哂2份猪我地。豚肉切得好薄，肥瘦适中，肉质够新鲜，又冇筋，绝对系高质。酱汁可以自行调配，有辣椒蒜蓉芫荽葱任拣，特别之处系佢用日本甜豉油，混酱后别有一番风味。雪柜饮品任饮，有绿茶、可乐、雪碧、芬达，选择绝对好多。雪糕系Movepick，有4只味，朱古力、士多啤梨、云呢拿同咖啡，拣左朱古力同咖啡，咖啡味好香浓，店员仲送左2米糯米糍俾我地，好好人又抵食。评语店员有礼火锅套餐cp值高环境舒适宽敞🐵推介🍌🍌🍌🍌🍌（5🍌为满分）