順濠坊 (已結業)

喺香港地区要揾到好食嘅麻辣点真系一件唔容易嘅事，阿辣妹同我都一直好努力到处发掘，今次俾佢揾到呢间佐敦小店，所以决定你试一试。晚上六点去到，我哋第二台客，睇咗餐牌实在太多野想试，先来个近排比较多地方揾到嘅炒莴笋。清炒莴笋是基本上系大陆无处不在，不过系香港真系好难揾。呢个合格。阿辣妹最喜欢嘅菇类，所以刚好有个炒杂菇，啱晒。呢个菜基本上有三种菇，份量算系几多，阿辣妹表示”合格”。店员介绍元贝做紧推广，第一只售价$28，由于冇乜特别所以就纯粹试验性质叫咗一只试吓。元配新鲜粉丝够淋再加蒜蓉粒，合格。因为小朋友唔食得太辣，所以叫咗一份葱油鸡比佢哋食。葱油鸡皮薄肉质够林，啱晒小朋友食，合格。主角终于出场，花甲烤鱼㶽。唔记得咗鱼嘅种类，不过系属于少骨少剌𠮶种，花甲数量唔系太多，不过够大只够新鲜，所以之后配料再加，冰豆腐金菇都系必点。个人口味正常落单，都系会叫超麻超辣，嚟到之后辣够不过唔够麻，希望下次可以改良。合格。总括来说会再嚟，因为想试吓其他唔同嘅菜式，基本来说辣味够之余也好味，钟意食辣嘅，算系辣得出色嘅一间小店。