渝味曉宇重慶老火鍋 (渣甸中心) (已結業)

困咗喺屋企咁耐，今日决定食返我失去嘅嘢，麻辣火锅!因为系复仇嘅第一餐，我都不容有失上网𥄫中咗呢间人气急升嘅渝味晓渝。一出笠门就已经闻到阵辣味。原来食辣嘢之前最好食返碗糖水，去保护个胃。呢个糖水系送嘅，所以谂住都系麻麻地，点知一食竟然好味，雪耳带爽口，个糖水又润。有诚意!喺门口见到原来呢间火㶽系大陆行头排第一，但本人食辣嘅能力有限，所以就隔个蕃茄汤底，稳阵啲!呢个麻辣汤底，比出面嘅汤底香好多，入面嘅香料都非常十足!越滚越辣，可以俾我慢慢 适应。呢个虾滑系用全虾打成，睇落好似一条水晶咁，食落弹牙，又食到一粒粒虾粒到。睇得又好食我对面𠮶个人唔食蚝，但系我又好鬼想食，好彩呢度个menu咩都可以叫半份，所以唔洗理咁多。个筒蚝超肥，麻辣蚝真系无得输^^平时好少出街食滑牛，之不过见到餐厅好多人食紧，唔执输嘅我就叫埋一份，滑牛鲜嫩滑口，无论落去麻辣或者蕃茄汤都非常咁夹!唔小心爱上滑牛。。。黑豚腩一份，好重份量，好钟意佢呢只豚肉，肥嘅地方爽口甘香，肉嘅部份咬口十足，食完呢个肉肉之后，感觉好满足。最重要系无拣错地方，店员有礼貌，啲嘢又好食。