二家姐正宗原味麻辣火鍋

营业中

休息中

期待好耐嘅佐敦二家姐麻辣火锅，好耐无系文英街食饭，因为唔系好就脚，不过柯士甸站行过去实在好方便！放工后去二家姐打个边炉，时间尚早所以唔系好多人，二人点了一个鸳鸯锅，麻辣及药材清汤，唔敢食咁辣所以点左少辣，火锅料都唔会太辣，而且有少少麻嘅感觉，好正，而药材汤底清甜，而且药材越煮越入味。火锅料点左安格斯牛颈脊，脂肪纹路很漂亮，薄薄一片在两汤底都好吃，而且唔韧！濑尿虾墨丸很特别，原来系原只濑尿虾剥壳，然后包上墨丸胶及墨鱼粒，咬落弹牙及墨味浓，而濑尿虾原只很大方！鹅血（还以为是鸭血呢），鸭血是麻辣锅必点火锅料，鹅血是第一次尝试，无鸭血咁易碎，少许烟韧，在麻辣汤底下很入味。养生花胶桶系忍唔住点，因为花胶打边炉好补身，麻辣味不用说但是放清汤底真系好惊喜，因为汤底味淡，却可食到花胶的鲜味呢，我两都食左五六旧。小汤包好似小龙咁，入面有肉汁好正，皮厚少少先锁住肉汁唔穿，好味。整体黎讲都几有质素，火锅料都好新鲜！