十二味熱辣火鍋莊

营业中

休息中

天气冻最好就系食返个麻辣火锅，今日就想约咗几位朋友打边炉。一开始侍应安排左我哋坐左一个角落头，其实都几迫，因为我哋连摆袋嘅地方都冇，手踭亦都会撞到隔离枱嘅人。好在后尾佢将我哋转左另一张比较大嘅枱，所以可以坐得松动好多。不过呢度开个冷气好大好冻，可能因为麻辣火锅比较大气味，但真系好冻。另一样野系呢度好似比较多大陆人𠮶个香港人🤔讲返个火锅先，今日我哋就点左招牌熊猫麻辣汤底拼椰子鸡。坦白讲，虽然只熊猫好得意，不过其实全部都系油，所以食落去好油，成个汤底都超级辣，我要饮住豆浆先可以食落去，而个椰子鸡汤底无乜味，所以overall我会觉得d汤底系好睇唔特别好食。至于食物，选择唔算多，但好奇怪地好多野都要叫拼盘唔可以散叫，好似我钟意食娃娃菜，但一定要叫蔬菜拼盘唔可以单点🤨 叫火锅又唔可以点香锅d𩠌。唯一抵赞系个牛都几好食又几抵食。Overall我觉得唔太差，价钱中挺，不过再想食麻辣火锅我未必会谂起呢间。