臥龍正宗成都麻辣火鍋 (已結業)

有一间食正宗成都麻辣火锅嘅名店，店名非常有霸气，叫卧龙佢嘅食物同佢嘅店名一样都咁有实力，所以就衍生咗佢嘅霸气。昨晚我哋就去咗呢间餐馆食晚饭，我哋点咗一个鸳鸯锅汤底$148。一个本地手切黄牛颈脊，(细)$188，系一个高质素嘅食材，手工切得很幼细，薄薄的，光泽立立令，纹理清澈，肉质爽脆，甜美非常，牛肉味香浓无比。一个西班牙黑毛猪肉，顶级素材，肉味非一般可以媲美，肥瘦分配均匀，香味浓郁，质感非常爽滑，肉汁够丰盛。一个手工四宝丸，有四种味道，令你嘅味觉有不同享受，制作细腻，粒粒弹牙爽口，汁液跟层次都保留著满满的，大厨实力真系功不可没。韭菜猪肉饺，皮身够薄，滑溜溜的，猪肉粒跟韭菜粒切得够幼细，味道调校得恰到好处。手打嘅潮州鱼蛋，鱼味鲜甜弹牙，烟烟靭靭，鱼汁香浓无比，软滑非常。炸鱼片头一样咁出众，正宗潮州师傅嘅制作，绝不马虎。仲有佢个莴笋，香味清新怡人，质感爽甜脆口，跟肉类相辅相成，令你有不同嘅 味觉享受。有一个成都薯粉，都好有特色，每条都晶莹通透，粉质够爽滑，放上浓味锅汤浸食，又系另一种享受。