滿江紅小甜甜 (已結業)

今晚突然好想食水煮鱼，男朋友就提议去食小甜甜，我地未够7点就去到，所以唔洗等位。水煮桂花鱼水煮鱼拣了中辣（利申我们都算食得辣，中辣都算几辣架啦），鱼肉质感好嫩滑！以$218来讲，鱼件数量唔系话好多，但都算对得起价钱。麻辣田鸡煲我地都有段时间冇去食过小甜甜，最挂住就系佢地个麻辣鱼春煲，可惜点餐果时职员话今日sold out！好在我同男朋友都中意食田鸡，所以就转战try try个麻辣田鸡煲！一样系点左中辣，个麻辣汁真系不得了，入口真系好麻，辣得好惹味，d配菜都索哂个汁好正！煲里有好多田鸡脾，啖啖肉得泥又好嫩，只系$82好抵食！不过顺带一提，因为个煲系keep住用明火煮紧，所以个汁系会愈煮愈辣！同时田鸡煮得耐，都会令肉质变鞋。辣子土豆丝可能水煮鱼同田鸡煲比较浓味，土豆丝食落味道就显得比较淡，不过口感偏爽。