麻甩系(花甲粉)

营业中

休息中

经过铺头已经传来阵阵麻辣蒜香味，以花甲粉及麻辣花雕鸡做招牌，供应多款重口味小食、滋补糖水等。虽然店名有麻甩二字，但装修都唔马虎，贴住食物照片，又有五光十色嘅灯光影照。话明系招牌，一定要食世一花甲粉，配麻辣汤底，面底拣粉丝。食物即叫即煮，热辣辣。新鲜花甲每只饱满，完全冇沙。配料有大量金菇、娃娃菜、豆卜，全部用料都能够吸尽汤底精华。而且粉丝另外分开放，唔怕浸得太耐。少辣唔会好呛，辣度足够，蒜蓉香配辣味绝配。望见汤底都唔系艶红辣色。冬天食麻辣粉，够暖。麻辣花雕鸡，可以配年糕或者薯条。一打开盖，呢个麻辣味比花甲粉浓烈好多。鸡件面头已经见到有花椒干粒，另有香菜配搭。辣味渗入哂去鸡件肉内，外至鸡皮，内至咬鸡骨，都食到花椒嘅辣味。后劲感觉到麻味，嘴唇会麻麻地。做到带辣及带麻嘅口感，唔系得死辣。而年糕片烟韧，原本年糕冇味，但配辣汁一齐食，完全夹。钟意食辣嘅人，一定唔可以错过铺头嘅辣味食物之选，唔食得辣嘅，可拣蒜或者其他食品。