麻辣Doi (已結業)

今晚同至爱喺元朗行街街,突然想食麻辣野,于是上Openrice搜下啦,比麻辣Doi店舖名吸引咗,见到呢间店舖主力做酸菜鱼、烤鱼和干锅，咁啱我哋又喺鸡地附近,即刻去试吓!来到店舖地方虽然细小,装修简约,但环境同座位都坐得舒服。店员推介招牌菜;有麻辣香锅、烤鱼同水煮大盘酸菜鱼。我哋拣咗老坛酸菜烤鱼（小辣），本身配料份量已不少，有海虾、杂菌、芽菜、豆卜同酸菜,我哋再加咗莲藕片、娃娃菜同莴笋令配料再丰富些。鲈鱼属于中至大条，炸后外皮香脆,肉质嫩滑,师傅拿捏炸鱼的时间刚刚好，食得出是新鲜鱼，就算比酸辣汤煮浸后都很鲜甜,香口得来带点甜酸又有微微麻辣,真系配绝。小食叫咗口水鸡, 虽然见到好多红油,但只是微辣,鸡肉非常嫩滑, 鸡皮爽脆,连怕肥的我都连皮食,一啲都唔油腻,值得一食。小炒我哋拣咗椒盐海虾鲜虾连壳炸得酥脆,脆到连虾头都可以食埋,虾肉爽口弹牙,连同椒盐一齐食超野味。主食每人一碗米线和薯粉,用上酸菜汤底,两碗粉份量十足，食完两个都捧住肚走，幸福满满。