前家樂餐廳火鍋店 (已結業)

最近天气冻冻地最岩打边炉，而打边炉最好就约多几个朋友出黎十十下，人多比较热闹，仲可以点多几款唔同野食。当中有位朋友想到食鸡煲，所以最后就黎左呢到。呢到既麻辣鸡煲好正，可以试试早黎早享受，唔洗点等位就可以入坐啦。一坐就嗱嗱声叫个辣鸡煲先，我地谂住一阵再会叫d火锅配料，所以只叫左半只麻辣鸡。鸡煲好快上枱，等紧翻热既同时就黎个相机食先，虽然唔系新鲜鸡(鲜鸡煲每日只供应2只)，但急冻既都唔差，食落唔会有雪藏味，鸡肉入味之余又嫩口，最欣赏个酱有好浓烈芫茜同姜蒜味，加埋劲香既麻辣味，真系够哂刺激半只鸡其实好快食完，所以食到咁上下就开始点配料，愈煲愈耐时，麻辣味会愈食愈出，此时加汤打边炉个汤底会劲正点左丸、云吞、牛柏叶、金菇、午餐肉等等太多讲唔哂，牛柏叶嗦哂麻辣味，够哂辣加上弹牙又爽口，超正，有d似小贩档食既辣味牛柏叶。金菇同牛柏叶一样，浸完个底之后劲入味又爽口。打边炉食午餐肉都系第一次，觉得都唔差，同样入味 。食物新鲜，加上个汤底出色，真系好满足