麻辣風雲 (京都廣場) (已結業)

全家都鍾意食辣, 要搵間齊齊整整可以食辣又有特色嘅餐廳，上網一睇呢間“麻辣風雲”幾唔錯。屋企人都係冇牛不歡，所以麻辣夫妻肺片、薑煸牛肉都唔少得。❤️夫妻肺片大大碟好豐厚。每一件牛都係好入味而且滲透咗一種難以形容嘅辣辣得非常好味。特別之處係有一點點白芝香食落增添有口感。❤️薑煸牛肉同樣亦都好大碟。我覺得佢個色澤好吸引。首先有紅紅綠綠嘅配菜啦係辣椒同大蔥。然後啡色嘅牛肉角色澤係偏向深啡色，明顯係索曬醃料嘅顏色。❤️酸菜魚酸中帶辣係好正，大舊魚肉浸透個湯，加埋上面嘅芝麻，增添脆脆口感，又夠哂入味，好滿足😚❤️冰爽龍眼冰＄38飲品方面都唔錯，個杯係龍捲風咁樣，造型加分。