麻辣風雲 (京都廣場) (已結業)

全家都钟意食辣, 要揾间齐齐整整可以食辣又有特色嘅餐厅，上网一睇呢间“麻辣风云”几唔错。屋企人都系冇牛不欢，所以麻辣夫妻肺片、姜煸牛肉都唔少得。❤️夫妻肺片大大碟好丰厚。每一件牛都系好入味而且渗透咗一种难以形容嘅辣辣得非常好味。特别之处系有一点点白芝香食落增添有口感。❤️姜煸牛肉同样亦都好大碟。我觉得佢个色泽好吸引。首先有红红绿绿嘅配菜啦系辣椒同大葱。然后啡色嘅牛肉角色泽系偏向深啡色，明显系索晒腌料嘅颜色。❤️酸菜鱼酸中带辣系好正，大旧鱼肉浸透个汤，加埋上面嘅芝麻，增添脆脆口感，又够哂入味，好满足😚❤️冰爽龙眼冰＄38饮品方面都唔错，个杯系龙卷风咁样，造型加分。