麻辣風雲 (京都廣場) (已結業)

一向嗜辣嘅我，同個唔食辣嘅嚟到「麻辣風雲」，叫嘅菜式全部都唔辣🤣點解唔食辣都要嚟？全因朋友俾呢度超打卡able嘅名菜吸引，話一定要嚟試試🤣🌟荔枝蝦球 🪴 令我哋慕名而來嘅就係呢款勁有仙氣嘅荔枝蝦球🦐 成個盆景騰雲駕霧咁捧上，勁有詩意。蝦球包上紅色脆米炸到脆卜卜，遠睇、近睇同咬開都成粒真荔枝咁🤩蝦肉好彈牙，點埋荔枝醬食，甜甜地，有荔枝香味，真係假可亂真🤣🤣👍🏻 好睇又好食，必點！🌟薑蔥蠔 🦪一碟有8隻大蠔 ，以大量薑蔥爆炒到十分香口。大蠔肉厚爆汁，鮮味滑溜，夾住薑蔥食勁惹味，一定要趁熱食！😍😍估唔到主打川菜嘅餐廳，煮呢味廣東菜可以咁有鑊氣咁出色👍🏻🌟胡椒豬肚雞🐓通常食潮州菜先至會出現嘅胡椒豬肚雞，竟然又喺呢度食到😲重有個火爐喺下面熱住🔥個人好鍾意佢胡椒味夠重，辛辣暖胃，豬肚爽口，雞件吸收晒湯頭味道濃郁，重有木耳、娃娃菜等配菜。🌟洛神花茶🌺除咗食物，呢度仲有好多款特飲選擇🍹我哋就叫咗一埕洛神花茶~係一埕呀🤣個洛神花茶係用酒壺裝架！用酒杯斟黎飲，兩個唔飲酒嘅人扮晒豪邁咁乾杯，好有風味🤭洛神花茶甜甜酸酸，幾開胃架🤗