麻辣風雲 (京都廣場) (已結業)

话说ToNick嘅恒仔对川菜情有独钟，表演之后最钟意食川菜𪊴功，辗转就开埋间川菜餐厅，至今港九新界都各有一间分店了。三间分店我觉得水准差唔多，仲不时有新菜式吸引我回访，今次系要试鸳鸯鱼！𖦹 太极鸳鸯鱼 $388经常struggle嗌水煮鱼定酸菜鱼，why not both？太极鸳鸯鱼一锅有齐酸菜鱼同水煮鱼，一次过满足你两个愿望～酸菜鱼酸辣味平衡得宜，汤底唔油腻，鱼肉皮鲜肉嫩，加上口感十足嘅薯粉、芽菜同菇，吸尽鱼同汤嘅精华，相当入味。水煮鱼麻辣鲜香，配料同酸菜鱼相似，辣味更为突出。咁大盘鱼容易变凉，私心认为有个炉可以一直热住啲鱼就更正了。𖦹 麻辣拼盘 ＄128包括弹牙嘅酸辣老醋辣海蜇、有咬口嘅鸡肾、滑溜嘅粉皮、爽口嘅手拍青瓜同埋夫妻肺片，非常丰富，如果啲粉皮无咁碎就好了。𖦹 炸馒头 $58食足三次嘅炸馒头坐船驾到，上枱时配备烟雾弥漫嘅效果，fancy至极。馒头表面呈金黄色，外香内软，绵密但唔油腻。𖦹 黑糖脆炸糍粑 $58糍粑沾满黄豆粉及黑糖浆，散发淡淡嘅米香，外脆内烟韧。𖦹 洛神花茶 $48洛神花味浓，入口清甜，有消滞解腻之效。