譚仔三哥米線 (萬事達廣場)

营业中

休息中

下午茶谂唔到食咩好，经过谭仔闻到好香麻辣味，就俾阵香味吸引左入去。我选择左10小麻辣，因为清汤唔够惹味呀。碗米线一放低就闻到阵超香既麻辣味道，饮一饮碗汤，麻辣味道随口腔流入胃部，刺激起食欲。鱼片头依旧系我至爱，细细旧易入口又有口感，够爽口又有油香，因为经过高温油炸。鱼蛋系潮式白鱼蛋，鱼味虽然欠奉，但系真系几够弹牙㖞，弹牙度比鱼片头更强。至于生菜就无咩特别。米线系几爽同埋滑，最喜欢滑身既米线，因为可以一撮撮索晒入口，感觉唔错。