重慶洪鼎火鍋 (已結業)

其实我好少食辣野，今次陪朋友仔挑战一下食重庆麻辣火锅先。呢间重庆洪鼎火锅，好像几好食咁，入到去已经闻到好香麻辣味。呢度有前菜，荞头$12, 但8:30前埋单7折架，优惠暂时仲见有。神奇解辣既红糖缤纷冰粉，见到张poster, 叫杯试下先，真系凉浸浸，几好饮，甜度可以自己控制。好彩叫鸳鸯锅，唔系就死梗了，哈！鸭血超好食，同平时食既猪红好唔同，又爽又滑，完全唔会散！打边炉点可以冇肥牛，美国雪花肥牛，半肥瘦，颜色够新鲜，好味。黑色既牛百叶，都系第一次食，原来个口感系好爽好弹牙既。系个餐牌见到牛黄喉，原来系牛既血管，食落柔软有弹性，口感都几得意，原来仲有猪黄喉，下次可以试试。鸡子，其实我唔点食既，不过朋友仔话食，我就试一粒啦，原来系外面个衣脆脆地，里面就粉粉地，味冇乜特别既味道。炸午餐肉，真系超级邪恶，烚完都仲系脆皮既，太好食，食唔停。呢度D蟹柳都几弹，吸埋麻辣汤，好精神！叫呢个五福临门丸都唔错，每款丸都有，又唔使食太饱，鱼角炸好香，浓汤贡丸，食落有咬劲，汤味浓郁。