魚鈁 (汝州街) (已結業)

珍宝红豆沙冰（$35）超大杯，啱哂用嚟打卡。沙冰有红豆味但唔算太浓，味道唔会好甜，夏日炎炎饮就最爽。麻辣鱼春并鱼卜煲（$132）呢度嘅招牌菜之一。要咗少麻少少辣（下次可以各升一级）；鱼春煎香再煮，几香口，只有好少量鱼腥味（完全接受到）；鱼卜爽口，冇鱼腥味；垫底有白萝卜条、青瓜条、薯仔条，索哂汤汁味。唔算大煲但份量尚可，味道亦不错。另外专登要咗个白饭（$12）捞嚟食。啫啫鸡（$98）味道够浓，但镬气争少少。鸡件约十件，另外有猪肝（爽口）、冬菇、青椒、洋葱头（够甜）。生煎菜肉包（$42）外层包皮煎得唔够香口，里面菜肉馅料普通。贪得意点麻辣煲啲汤汁嚟食，辣辣哋又几好味。PS：另收加一服务费。