上海小南國 (MegaBox) (已結業)

每次行開MegaBox 商場都會去上海小南國食嘢，平時叫開佢哋嘅招牌酸菜魚，今次首次叫佢嘅川香水煮魚，點知食落好有驚喜，四個字麻辣鮮香，做滬菜都可以將川菜做到咁正宗，難怪可以在此MegaBox 商場屹立不倒多年印象中絕對超過十年以上⋯今次仲試咗佢哋新推出嘅時令蟹粉大湯包，賣相雖然普通但內裡湯汁爆多，而且湯包皮做得佷薄，吃時用飲管先啜一啖湯，滿口蟹油湯汁好吃！湯-宋嫂鮮魚羹，味道酸酸哋，很開胃。炒蔬菜-蒜茸炒豆苗，幾有鑊氣，蒜香味濃郁。麵食-上海粗炒，普普通通通，不過不失。