影片
更多
2024-01-04
49 浏览
两个人坐一角卡位，阔落舒服，未落单就先送一人一碗红枣雪耳糖水暖下胃，唔算太甜，几清润。汤底拣咗鸳鸯麻辣锅，加钱转配季节限定羊肉汤。麻辣汤底以多种香料加上牛油熬制，鲜麻香辣，唔会得个油字，普通辣已经几辣下，忍唔住要叫返碟鸭血过下口瘾。羊肉汤膻味唔重，非常清甜，食之前饮返碗暖笠笠。叫咗另一款冬日限定鲜拼九宫格，精选九款重庆特色鲜料，包括鲜黄喉、珊瑚蚌、竹笙、卤金钱肚、卤猪手、牛肉丝、牛丸、猪丸、黑松露墨鱼丸。珊瑚蚌鲜甜爽脆，带海水味。卤味够入味。鲜肉丸爽甜弹牙。除咗嫩滑嘅十秒牛舌之外，冇再叫牛肉，要留力食方叔叔推荐菜，包括几款极之爽脆嘅内，稻田毛肚有嚼劲，鲜黄喉过瘾，鲜鹅肠弹牙甘香。大刀牛肝口感似猪肝，味道就更浓郁。饮品叫咗Sapporo生啤，冻啲嘅话会更爽，另外仲有冲上云霄百香果鸡尾酒，酸酸甜甜，酒味唔重，大大杯。📍方叔叔重庆老火锅将军澳唐俊街9号PopCorn 2地下G49号舖
两个人坐一角卡位，阔落舒服，未落单就先送一人一碗红枣雪耳糖水暖下胃，唔算太甜，几清润。
汤底拣咗鸳鸯麻辣锅，加钱转配季节限定羊肉汤。麻辣汤底以多种香料加上牛油熬制，鲜麻香辣，唔会得个油字，普通辣已经几辣下，忍唔住要叫返碟鸭血过下口瘾。羊肉汤膻味唔重，非常清甜，食之前饮返碗暖笠笠。
叫咗另一款冬日限定鲜拼九宫格，精选九款重庆特色鲜料，包括鲜黄喉、珊瑚蚌、竹笙、卤金钱肚、卤猪手、牛肉丝、牛丸、猪丸、黑松露墨鱼丸。珊瑚蚌鲜甜爽脆，带海水味。卤味够入味。鲜肉丸爽甜弹牙。
除咗嫩滑嘅十秒牛舌之外，冇再叫牛肉，要留力食方叔叔推荐菜，包括几款极之爽脆嘅内，稻田毛肚有嚼劲，鲜黄喉过瘾，鲜鹅肠弹牙甘香。大刀牛肝口感似猪肝，味道就更浓郁。
饮品叫咗Sapporo生啤，冻啲嘅话会更爽，另外仲有冲上云霄百香果鸡尾酒，酸酸甜甜，酒味唔重，大大杯。
📍方叔叔重庆老火锅
将军澳唐俊街9号PopCorn 2地下G49号舖
张贴
