麻辣五三五 (已結業)

侍应唔多但服务好周到既餐厅，一入去就闻到强烈嘅麻辣味道，刺激又开胃。椒盐鸭舌$78一碟里面有好多鸭舌，鸭舌都算系比较贵价嘅食材，所以呢度嘅份量真系好多，非常抵食，用咗好似避风塘炒蟹嘅马拉盏捞埋炸过嘅鸭舌，脆脆地既外皮加弹牙QQ既鸭舌，麻辣度适中啱晒我。椒盐豆腐角$48同样都系有大量豆腐，豆腐揸得非常香脆，虽然系豆腐角，但系里面嘅豆腐都几滑，配上大量嘅马拉盏，香脆可口。京葱炒牛肉$78牛肉非常之嫩滑，但系完全唔似用过梳打粉腌到淋晒嘅𠮶一种，非常之入味，有少少嘅孜然味道同埋酱烧嘅味道，加上用咗好多劲冲去炒，直头可以当系一个菜，送饭一流。酸菜烤鱼$178特登嚟呢度就系为咗食烤鱼，呢度嘅烤鱼系炸过放落去个汤𠮶度，所以个表皮脆卜卜，但系因为叫咗太多麻辣嘅关系，我哋今次试一试酸菜，汤底好够味，略嫌香菇有啲苦，但系鱼肉非常之滑溜，令到我哋忍唔住叫多个水晶粉去送。