牛壹台食 (已結業)

今日同个朋友仔放工，黎个快快食，好耐冇食过台湾野，系轩尼丝诗道食呢间牛壹台食都好啊，食完又方便搭车。好，坐低睇下有咩好食先。麻辣鸭血配冬粉，汤底够麻够辣，鸭血大大件，食落又滑又爽，个豆腐索左汤底好惹味，原来冬粉就系台湾粉丝，比起香港嘅食落烟韧点。特浓鲜茄牛腱心牛肉面，鲜茄汤好浓郁，牛肉厚切得黎够腍，个关庙面幼面食落都弹牙。海苔盐酥鸡，刚刚炸起，唔厚粉，卜卜脆，上面个海苔味都特岀。饮品就叫左柚子茶和苹果桂花茶。原来系九龙湾都有分店，系宏照道6号鸿力工业中心B座地下B4A舖，下次唔使岀港岛都可以再食。