尚青商號 (已搬遷) 新店位置

要行上一层去到餐厅，用餐时间60分钟，齐人入座。服务态度一般，系香港人嘅态度，唔太友善。整体台湾菜式都好食，但味精略为重啲啲。*麻辣鸭血煲 配冬粉 $82鸭血有四五大块，仲有娃娃菜，少量蜂巢豆腐、贡丸，要早啲倒啲粉丝入去一齐煮。鸭血好嫩滑，麻辣惹味，啱啱好唔会太辣喉咙。蜂巢豆腐同粉丝好索汤，同样都系好惹味好重口味。红烧半筋半肉幼面 $78半筋半肉煮到软绵，有牛肉嘅肉感，又有牛筋嘅烟韧。红烧汤比较朴实，牛肉香味较薄弱，有淡淡甜味，一啲都唔油腻。幼面唔够挂汤，要连汤一齐食。仲有油炸鬼可以点汤，但炸得太油太硬。椒盐盐酥鸡 $56盐酥鸡份量好正，外皮脆脆又有粗粒感，鸡肉嫩但未够多汁。我觉得生蒜粒、九层塔系神来之笔，为盐酥鸡带来刺激感，味道更惹味，口感更丰富。