影片
更多
2006-10-01
26 浏览
见到面包赞呢度d粥唔错趁今朝早起黎食个早餐要左及第粥走肠($14)加新鲜炸两($6)及第粥～粥底绵,而且因为即叫即煮,成碗粥都好热,食到尾个人成身汗咁滞,但料唔算多,得两件猪润,一件滑肉同三小件猪肚,幸好滑肉同猪润都好好味,反而猪肚有一阵味,所以放弃左,忘记左叫阿姐多葱多姜,唔系仲正炸两～话明新鲜炸两,等左差唔多十分钟先有得食,但唔知点解粉皮都唔觉热,好在油条仍然脆口,粉皮唔算特别滑,但加埋豉油,甜酱同麻酱一齐食系几好！豉油default会落得少d,唔够可以自己加台面o个d；麻酱太稀,一加落粉皮上面已经溜开左；但以只卖6蚊一碟既炸两,就有成3条半节既油炸鬼,份量足又好味,抵食老板眼明手快虽然多人但你一举手佢已经会问系要咩唔会要你呆等感觉即时加分食食下听到有唔少人叫鱼片粥要白粥底下次路过可以再试下
趁今朝早起黎食个早餐
要左及第粥走肠($14)加新鲜炸两($6)
及第粥～粥底绵,而且因为即叫即煮,成碗粥都好热,食到尾个人成身汗咁滞,但料唔算多,得两件猪润,一件滑肉同三小件猪肚,幸好滑肉同猪润都好好味,反而猪肚有一阵味,所以放弃左,忘记左叫阿姐多葱多姜,唔系仲正
炸两～话明新鲜炸两,等左差唔多十分钟先有得食,但唔知点解粉皮都唔觉热,好在油条仍然脆口,粉皮唔算特别滑,但加埋豉油,甜酱同麻酱一齐食系几好！豉油default会落得少d,唔够可以自己加台面o个d；麻酱太稀,一加落粉皮上面已经溜开左；但以只卖6蚊一碟既炸两,就有成3条半节既油炸鬼,份量足又好味,抵食
老板眼明手快
虽然多人但你一举手佢已经会问系要咩
唔会要你呆等
感觉即时加分
食食下听到有唔少人叫鱼片粥要白粥底
下次路过可以再试下
张贴
