影片
更多
2016-02-18
467 浏览
恒威商业大厦出名多cafe，之前都有黎食过几间，贵既又有，难食既又有，次次fd话去食都中伏既，不过唔开名啦。但呢栋大厦就系选择多，今日出开黎买嘢，毒友一条又唔想食米线更如毒，都系去下cafe度坐下，今次要自己拣去边间！其实我都系Openrice见到呢度好多好评，就拣左呢度。一入到去，舖仔细细，得6张6人枱，仲有一位个样有啲恶既店员？店主？(不过其实佢好nice，会笑，仲提我啲嘢食要捞均先)我睇左个menu成10mins都有，自问自己拣嘢食算快，但真系好多选择。话明串烧咖啡，一定有串烧，张纸水蛇春咁多已经好多选择。仲要有意粉，天使冷面，小食，all day breadfast，甜品，特饮，咖啡，沙冰，有酒精饮品，仲要系上述项目各至少4款，嘢饮都成10页。最后终于拣左了，碟碟清哂，仲好饱好满足。首先系鸡中翼冷面($58+$12+$25)套餐，$12系烟三文鱼沙律，$25系榛子咖啡。三文鱼沙律几好，沙律菜唔苦，三文鱼唔腥无筋，其实我好中意食烟三文鱼，食到好香烟熏味既三文鱼真系好正！鸡翼冷面系用天使面，大佬$58食到天使面真系好抵，仲要落足香草同芝麻酱，不过芝麻酱系底，大家睇唔到啲！哥哥提我要
但呢栋大厦就系选择多，今日出开黎买嘢，毒友一条又唔想食米线更如毒，都系去下cafe度坐下，今次要自己拣去边间！
其实我都系Openrice见到呢度好多好评，就拣左呢度。一入到去，舖仔细细，得6张6人枱，仲有一位个样有啲恶既店员？店主？(不过其实佢好nice，会笑，仲提我啲嘢食要捞均先)
我睇左个menu成10mins都有，自问自己拣嘢食算快，但真系好多选择。话明串烧咖啡，一定有串烧，张纸水蛇春咁多已经好多选择。仲要有意粉，天使冷面，小食，all day breadfast，甜品，特饮，咖啡，沙冰，有酒精饮品，仲要系上述项目各至少4款，嘢饮都成10页。最后终于拣左了，碟碟清哂，仲好饱好满足。
首先系鸡中翼冷面($58+$12+$25)套餐，$12系烟三文鱼沙律，$25系榛子咖啡。三文鱼沙律几好，沙律菜唔苦，三文鱼唔腥无筋，其实我好中意食烟三文鱼，食到好香烟熏味既三文鱼真系好正！
鸡翼冷面系用天使面，大佬$58食到天使面真系好抵，仲要落足香草同芝麻酱，不过芝麻酱系底，大家睇唔到啲！哥哥提我要捞均先食，真系好正，天使面好爽，煮得啱啱好，鸡翼先前有腌好，煎得好脆口。可以自己落柠汁，会fresh啲。我连人地伴碟既沙律菜都食埋，洗碟咁真系好癫。
烧金菇肥牛($25) 我叫左要加辣，佢好细心咁加左辣都附送一樽辣椒粉俾我。一上碟，闻到好香既孜然味，同埋辣粉既味，但食落唔系好辣，反而食到好多牛肉既汁，一啲都唔干。之后果旧金菇肥牛我落左好多辣椒粉，辣啲更惹味！烧菠萝($13) 连埋皮上，坚系成个新鲜菠萝切出黎烧(我试过食到唔系新鲜菠萝，好唔掂)所以呢个烧菠萝好甜，无渣，哥哥好用心咁即叫即烧，几好，食完烧菠萝，成个感觉好清。
好！Cafe唔试咖啡点得呢，本身想叫特饮，最后都系叫左杯热既榛子咖啡试下，mk既cafe黎讲，杯咖啡比起想像中好，榛子味但唔会太甜，咖啡本身几香，饮完之后有回甘，不过奶方面可以稍减。呢度环境几舒服，几静，可能我系平日2-3点上黎，无乜人。呢度仲有一堆game，同fd黎都几好。
P.S. 俾我发现呢度既小浪漫
张贴
