燒烤堂 (已搬遷) 新店位置

上星期五约左朋友去旺角食晚饭，去左呢间位于旺角嘅烧烤餐厅。虽然餐厅铺面细细，但提供多款烧烤美食同酒品，有辣有唔辣，任君选择。我同朋友order左7款嘢食，分别系烧鲍鱼、蒜蓉粉丝蛏子、烧牛舌、鸡胸软骨、墨鱼嘴、牛油蒜蓉杂菇同韩式烧猪腩肉。烧鲍鱼爽口鲜甜；蛏子大大只，肉质鲜美；烧牛舌甘香惹味，因为系厚切，所以特别有咬口，而且唔会太硬；鸡胸软骨系日本无激素鸡肉，肉味浓，软骨爽口，但本身无落调味料，所以老板建议加七味盐一齐食，特别惹味；墨鱼嘴鲜味有咬口；蒜蓉杂菇爽甜，充满蒜蓉香味；我觉得韩式烧猪腩肉都好好食，韩式酱汁甜甜地好惹味，猪腩肉肥瘦均匀，脂肪部分甘香，配搭泡菜同生菜一齐食就可以减低油腻感，味道有更多层次。至于饮品方面，我同朋友分别order左啤酒同梅酒梳打，梅酒梳打几有惊喜，好容易入口，配烧烤食物一齐食，感觉搭配恰到好处。