浩記甜品館 (已結業)

我相信用“麻雀虽小，五脏俱全”绝对系符合晒呢间旧式甜品店。佢地卖嘅都系传统中式甜品，当然佢地都会有咸点，例如潮州粉果，叉烧包，菜肉包等等。店舖虽然细，但绝对可以满足你想食中式甜品嘅欲望，因为佢地甜品款式好多。我地叫左两款甜品，一个杨枝甘露同一个两沟(芝麻糊加杏仁糊)，两碗都几大碗。个杨枝甘露好多芒果肉，好好食。个两沟都好食，不过有样野好欣赏个老板。话说个两沟其实系想要冻嘅，不过佢地芝麻糊无晒冻，得杏仁糊有冻。热死辣辣当然唔想食热野啦，但又好想要芝麻糊，正当想放弃个芝麻糊个时老板就问暖得唔得?暖点都好过热，所以之后老板就沟左个热芝麻糊同冻杏仁糊比我地