糖兄弟甜品屋

营业中

休息中

今日同朋友去咗柴湾乐轩台嘅糖兄弟食糖水，呢间糖兄弟经常一入夜就有人龙，非常受欢迎。入到舖头，地方虽然唔大，但胜在选择唔少，有热有冻，主打冰冻糖水，价钱都几亲民。我地分别叫咗四碗糖水：士多啤梨雪糕拉面、咋喳、杨枝甘露、芒果捞珠。士多啤梨雪糕拉面嘅"拉面"其实系蒟蒻面，好弹牙，再加上好多小丸子，每一啖都好有口感，仲有一球好大嘅士多啤梨雪糕。咋喳好足料，每一匙面有足量嘅豆，即使加花奶亦都唔会盖过豆嘅香味，值得一尝。杨枝甘露有好多芒果肉同柚子肉，每一啖都可以食到大量果肉，而且好有奶香味，夏天食呢道甜品消暑一流。芒果捞珠有大量茫果肉同埋爆珠，芒果嘅甜香再配合每粒爆珠被咬爆于齿颊间，营造出丰富嘅口感。佢地因为高调表态而饱受打击，加上受疫情影响，生意已经告急，大家经过附近的话支持一下。