影片
更多
2009-06-28
37 浏览
几个星期前同朋友去左深水揾食，今次带妈妈去再扫一次...合益泰、刘森记...今次识得叫埋，每间都食少D，咁可以去多D地方。本来谂住去新香园食蛋牛治，但谂谂下不如试下新野，就去到耀东街的苏记。地方好细，而且系铁皮屋下，系真真正正的大排档，好喜欢依种感觉。地方虽然细少，但却好有系统，由杯杯碟碟到煮食材料都放得井井有条，感觉很企理，伙计们又做事认真且友善，绝不马虎。食物方面，不用说，都系唔会马虎的。点了西多士同猪扒面，都系即叫即整。西多士系睇住佢炸的，只见师傅放左两块面包落D蛋度，跟住就攞左去炸。好似好简单，连妈妈都话「𪠳，咁样我都识整啦。」但奈何食左之后，真系发觉屋企好难会整得咁好。虽然系大排档，用的全部都唔系cheap野。牛油非常的香，系整个西多的灵魂；面包唔会过份的多蛋汁而淋batbat，反而系充分索晒D糖浆同有蛋香，好入味。西多系正宗的，入面冇花生酱，但已足够令我爱上它。西多食左一半，个猪扒面先至来到，因为猪扒系新鲜煎的。十几蚊一碗面，当然唔会厚厚的一块，亦都唔会系新鲜猪扒。但猪扒很入味，应该腌了一晚，有蜜糖味，感觉好似去烧烤咁。而且煎得唔干，还可以要求什么？面系用上我最喜爱的大光面
地方好细，而且系铁皮屋下，系真真正正的大排档，好喜欢依种感觉。地方虽然细少，但却好有系统，由杯杯碟碟到煮食材料都放得井井有条，感觉很企理，伙计们又做事认真且友善，绝不马虎。食物方面，不用说，都系唔会马虎的。点了西多士同猪扒面，都系即叫即整。
西多士系睇住佢炸的，只见师傅放左两块面包落D蛋度，跟住就攞左去炸。好似好简单，连妈妈都话「𪠳，咁样我都识整啦。」但奈何食左之后，真系发觉屋企好难会整得咁好。虽然系大排档，用的全部都唔系cheap野。牛油非常的香，系整个西多的灵魂；面包唔会过份的多蛋汁而淋batbat，反而系充分索晒D糖浆同有蛋香，好入味。西多系正宗的，入面冇花生酱，但已足够令我爱上它。
西多食左一半，个猪扒面先至来到，因为猪扒系新鲜煎的。十几蚊一碗面，当然唔会厚厚的一块，亦都唔会系新鲜猪扒。但猪扒很入味，应该腌了一晚，有蜜糖味，感觉好似去烧烤咁。而且煎得唔干，还可以要求什么？面系用上我最喜爱的大光面，很爽口...我知系最cheap的，比公仔面同出前一丁更cheap，但我 就 是 喜 欢 。
一个小小的厨房可以做出咁好的食物，真的很厉害。同样地，一条短短的耀东街，竟然有咁多美食，又系好厉害，下一次要试埋对面的长发。
张贴
