渡邊屋

营业中

休息中

之前喺附近食厨师发办嘅时候有同日藉老板渡边先生倾开偈，讲起附近有间分店主打寿司刺身，早几日经过见到个名就估到系呢间，可惜已经满座，今日收早终于有机会。象拔蚌刺身用上超新鲜嘅九洲白象拔，经过师傅拍打令肉质更清爽弹牙，加入柠檬汁更加突显出清甜嘅味道，非常推荐！虾蛄寿司唔系度度有，难得仲要咁原整同新鲜弹牙，值得一试。八爪鱼寿司同样新鲜，初入口味道清淡，细细咀嚼之后慢慢感受到佢嘅鲜味，系先生嘅最爱。火炙寿司盛盒一客七件，件件新鲜，特别系火炙带子同左口鱼，前者肉质肥厚，味道鲜甜，后者入口系满满嘅鱼油甘香，令人回味！牛油果芝士三文鱼卷大大份，非常抵食，清淡嘅牛油果同新鲜三文鱼配上惹味嘅鳗鱼汁同cream cheese，一拍即合。餐厅店仔细细，座位亦唔多，但食物种类多，价钱亦合理，难怪咁多捧场客。如果想食高质嘅日本寿司同刺身，但budget又未去到食厨师发办，呢间小小嘅居酒屋会系唔错嘅选择。