皇雀會

营业中

休息中

之前一直以为皇雀会主要都系做麻雀同桌球既生，但见佢早排好似重新装修左门口部分，变左有个颇有欧式风格既餐厅。今日行过见到价钱都几平又冇乜人就行入去试下。因为都知道佢地唔系主要做餐厅业务，所以都做左一定程度既心理准备。我点咗一个焗蕃茄鸡扒饭，配冻柠茶（$43），大概等左十分钟就送到，个餐既卖相不错，同出面西餐厅做出嚟都差不多。焗饭会选用翻炒饭底，而块鸡扒份量都好大块，肉身嫩滑，食得出外表有煎香过。不过美中不足系块扒有小部分感觉未够熟透，整体黎讲如果去开附近嘅话不妨一试。