知魚知樂

营业中

休息中

琴日同朋友去咗大围嘅知鱼知乐食饭，地铁站行几条横街窄巷，行左成十分钟，有啲隐蔽但系绝对值得揾！我哋叫咗几样嘢share。 𠮶杯鸭喜香柠檬茶refreshing，而且佢哋好好，可以帮我整少甜少冰。 我朋友就叫咗芝滋鸭喜香，少甜正常冰，佢都话几好饮。重点一定系佢哋嘅鲜青花椒味烤鱼！我哋拣咗江团鱼，啲鱼肉好嫩滑，加上青花椒嘅麻辣味，真系食到停唔到口！🌶️ 我哋仲加咗土豆片同埋莴笋片，索晒啲汁，正到呢！虽然$288系贵咗啲，但系份量够大，味道又好，绝对值回票价。我哋仲叫咗米线同埋白饭送饭。 蜜汁鸡中翼都几好味，但系$36得两串，有啲细份。 胖胖糍粑就系一个唔错嘅甜品。服务都ok，埋单总共$593，包埋加一服务费。 总体嚟讲，呢餐饭好满足，我会推荐佢哋嘅烤鱼。