池記 (已結業)

第一次嚟呢间，好耐之前食过铜锣湾𠮶间，最钟意佢哋啲，所以经过呢间嚟试吓。去到发现原来无食！点咗两个四十九蚊位既晚餐，一个粥餐同一个面餐。叫咗艇仔粥配炸鲮鱼球，牛腩河配蕃薯糖水，但又想试吓佢哋啲云吞面（因为讲到好似好正咁），所以散叫咗一碗（廿三蚊）。牛腩河：啲河粉好腍，浸耐咗会索晒水发大云吞面：云吞好细粒，无味同硬！面系啲好普通既货色，无面味，唔好食。同一个价钱，麦奀记好食好多炸鲮鱼球：啲鱼肉都有味，亦够弹牙，面头啲炸粉粉定粉丝碎黏埋上去都好够脆，但好咸，仲有碟类似砚芥鲮鱼球既嘢俾你点，但超级无敌咸，本身旧鲮鱼球已经好咸，真系点唔落！艇仔粥：算好食，料都算足，系其中一样可接受既食物蕃薯糖水：系最后一样有水准既食物（都算意外！）够姜味，蕃薯够腍同粉。仲有啲伙计喺你点咗菜之后就唔会再帮你加茶。埋单应该系１２１，但俾咗个九折，所以只系１０９。不过如果无九折都几贵；最重要系唔好食，无下次！