功夫點心

营业中

休息中

好耐无嚟过景林邨喇，之前商场二楼有一间酒楼，嚟过一两次，之后结业后都好少嚟食嘢。今日同事约我嚟景林邨饮茶食早餐，原来开咗间点心店。食店内有大量卡座，坐得都几舒适，不过冷气就有啲大，点心纸系功夫秘笈造型，好得意，食物方面味道就普普通通。功夫虾饺皇，可以逐只点，皮好厚，虾肉亦唔爽口。蟹籽香菇烧卖皇，呢款都系可以点需要数量，呢个嘅肉都可以。远年陈皮牛肉球。沙律明虾角，虾都系争啲。生菜鱼蓉炸两肠，除咗脆仲有其他口感，都可以。黄金流沙包，好似无咩蛋黄味。凤爪排骨肠粉煲，原本以为系热煲上少少啫啫或者炒过，估唔到咁求其就咁用煲装住。